Аліна Ігараўна Забаштанская была затрымана па крымінальнай справе, узбуджанай за каментары ў інтэрнэце пасля гібелі ў мінскай кватэры супрацоўніка КДБ Дзмітрыя Федасюка і it-спецыяліста Андрэя Зельцэра. Мае дзіця.

14 красавіка 2022 года ў Мінскім абласным судзе распачаўся суд супраць палітзняволенай па арт. 130 (Распальванне сацыяльнай варожасці) і арт. 368 (Абраза прэзідэнта). Справу разглядае суддзя Вікторыя Паляшчук. Стала вядома, што Аліне інкрымінуецца распальванне варожасці і абраза ў відэа ў Tik-Tok.

На час суда яе перавялі з жодзінскай турмы ў СІЗА-1. Па справе прызначылі псіхіятрычную экспертызу — аб'яўлены перапынак. Вядома, што Аліна хворая на эпілепсію.

18 траўня 2022 г. у Мінскім абласным судзе Аліну Забаштанскую асудзілі да двух гадоў калоніі ва ўмовах агульнага рэжыму.

28 чэрвеня 2022 г. КДБ унёс Аліну ў спіс асобаў, "датычных да тэрарыстычнай дзейнасці".

Палітзняволеная адбывала пакаранне ў ПК № 4.

Па падліках праваабаронцаў вызваленая 21 жніўня 2023 г. 

Палітзняволеную асудзілі да двух гадоў калоніі за відэа і каментары ў Tik-Tok

Аліна хворая на эпілепсію. Па справе прызначалі псіхіятрычную экспертызу — перапынак цягнуўся месяц. Дома палітзняволеную чакае дачка.