Аляксандр Андрэевіч Захарэвіч – мінчанін, быў затрыманы 1 лістапада падчас мірнай акцыі пратэста і асуджаны на 9 сутак адміністрацыйнага арышту. Пасля іх адбыцця, быў перазатрыманы на выхадзе з СІЗА г.Баранавічаў. Дома ў Аляксандра Захарэвіча прайшоў ператрус.

Пазней ён быў абвінавачаны паводле арт. 364 Крымінальнага кодэкса – "Гвалт у дачыненні да супрацоўніка органа ўнутраных спраў" за тое, што наступіў на нагу супрацоўніка ДАІ, калі ўцякаў ад супрацоўнікаў міліцыі. З 12 лістапада знаходзіцца пад вартай.

Сваёй віны Аляксандр Захарэвіч не прызнаў.

Асуджаны судом Першамайскага раёна паводле арт. 364 на два гады пазбаўлення волі. Таксама суд пастанавіў спагнаць з Аляксандра Захарэвіча кампенсацыю маральнай шкоды на карысць пацярпелага АМАПаўца ў памеры 500 рублёў.

Зарабляюць на палітвязнях. Сям’я зняволенага выкрыла махлярку, што скарысталася здымкам ягонага затрымання

Анастасіяй Мінкевіч – гэтак у сацыяльнай сетцы «УКантакце» падпісвалася дзяўчына, што назвалася сястрой затрыманага, якому пагражае крымінальная справа. Разам з допісам дзяўчына размясціла фотаздымак, на якім зафіксаваны момант затрымання Аляксандра Захарэвіча, асуджанага на два гады зняволення. Жонка вязня Іна Захарэвіч не стала мірыцца з такім нахабствам і праз сяброў выцягнула дзяўчыну на сустрэчу.

Два гады калоніі за тое, што ўпаў на нагу супрацоўніку ДАІ

Раніцай 14 студзеня быў абвешчаны прысуд па крымінальнай справе ў дачыненні да Аляксандра Захарэвіча, якога абвінавачвалі ва ўжыванні гвалту ў дачыненні да супрацоўніка ўнутраных спраў (арт. 364 Крымінальнага кодэкса).