Алеся Буневіч

Дата нараджэння: 8 верасня 1989

Дата затрымання: 4 красавіка 2022

Прад'яўленыя абвінавачванні:

арт. 371 Крымінальнага кодэкса — Незаконнае перасячэнне дзяржаўнай мяжы Рэспублікі Беларусь

Вынік суда: 3 гады і 6 месяцаў

Від пакарання: пазбаўленне волі ў калоніі ва ўмовах агульнага рэжыму

Дата пачатку адбыцця пакарання: 24 лютага 2023

Суддзя: Грышын Дзмітрый

Месца зняволення: ПК № 4

Алеся Анатольеўна Буневіч — дырэктарка віленскай друкарні, была затрымана 4 красавіка 2022 года ў межах крымінальнай справы пасля таго, як прыехала з Літвы ў Беларусь на гадавіну смерці маці. Мае сына малодшага школьнага ўзросту.

Алесю Буневіч спачатку абвінавацілі ў "здзяйсненні акту тэрарызму групай асоб па папярэдняй змове" (ч. 2 арт. 289 Крымінальнага кодэкса) у межах справы "рэйкавых партызанаў". У прапагандысцкім фільме на БТ паказалі кавалак допыту Алесі, дзе яна распавядала, як купляла літоўскія сім-карты за некалькі дзён да паездкі ў Беларусь, паказвала, дзе хавала іх на тэрыторыі краіны, пра тое, як усё здымала на відэа, каб пераслаць свайму "куратару" ў Літве. А таксама, што павінна была "адправіць" маладых людзей, калі яны пад'едуць да мяжы.

У канцы жніўня 2022 г. палітзняволеную перавялі з магілёўскага СІЗА ў Турму № 1.

Канчаткова Алесі выставілі абвінавачванне паводле ч. 3 арт. 371 КК (наўмыснае незаконнае перасячэнне дзяржаўнай мяжы Рэспублікі Беларусь, здзейсненае арганізаванай групай).

У Гродзенскім раённым судзе 18 лістапада 2022 г. суддзя Дзмітрый Грышын прызнаў палітзняволеную вінаватай і асудзіў яе да трох з паловай гадоў зняволення ў калоніі.

У канцы лютага 2023 г. Алесю этапавалі з гродзенскай турмы ў ПК № 4 у Гомель.

Палітзняволеную Алесю Буневіч асудзілі да 3,5 гадоў калоніі за "незаконнае перасячэнне мяжы"

У прапагандысцкім фільме на БТ паказалі фрагмент допыту Алесі, дзе яна распавядала, як купляла літоўскія сім-карты за некалькі дзён да паездкі ў Беларусь, паказвала, дзе хавала іх на тэрыторыі краіны, пра тое, як усё здымала на відэа, каб пераслаць свайму "куратару" ў Літве.

Адрас для лістоў: ПК № 4. 246035, г. Гомель, вул. Антошкіна, 3

Палітвязні знаходзяцца па адрасах:

Падтрымаць «Вясну»