Алесь Пушкін

мастак

Дата нараджэння: 6 жніўня 1965

Дата затрымання: 30 сакавіка 2021

Прад'яўленыя абвінавачванні:

арт. 130 Крымінальнага кодэксу - Распальванне варожасьці

Месца зняволення: Следчая турма №8

Фота "Радыё Свабода"

Аляксандр Мікалаевіч Пушкін - вядомы беларускі мастак.

Ён быў затрыманы 30 сакавіка ў весцы Жылічы Кіраўскага р-на Магілёўскай вобласці супрацоўнікамі МУС.

Затрыманню папярэднічала ўзбуджэнне 26 сакавіка пракуратурай Гродна крымінальнай справы ў дачыненні да яго, а таксама кіраўніка прыватнай установы “Цэнтр гарадскога жыцця” Паўла Мажэйкі і іншых асобаў “за здзяйсненне наўмысных дзеянняў, скіраваных на рэабілітацыю і апраўданне нацызма”, па ч.3 арт. 130 КК (распальванне варажнечы). Павел Мажэйка быў затрыманы, але пазней вызвалены без прад’яўлення якіх-небудзь абвінавачванняў.

Як паведамілі ў пракуратуры, падставай для ўзбуджэння крымінальнай справы стала размяшчэнне на выставе, якая праходзіла ў памяшканні ўстановы “Цэнтр гарадскога жыцця” 19 сакавіка, партрэта Яўгена Жыхара з аўтаматам на плячы аўтарства мастака Алеся Пушкіна. Паводле паведамлення пракуратуры, у ходзе выставы Алесь Пушкін “характэрызаваў Жыхара як чалавека з беларускага супраціву, змагара з бальшавікамі, чым праслаўляў і ўхваляў ягоныя дзеянні”.

Ноччу з 26 на 27 сакавіка у доме Пушкіна адбыўся ператрус. Пасля затрымання 30 сакавіка яго перавялі ў гарадзенскую турму №1. 

Пры адпраўцы лістоў і паштовак, каб лісты не вярталіся, важна пісаць поўнае імя - Аляксандр Мікалаевіч Пушкін.

Адрас для лістоў: Следчая турма №8. 222163, г. Жодзіна, вул. Савецкая, 22А

Палітвязні знаходзяцца па адрасах:

      Што варта ведаць і як дапамагчы?