Алена Жарына

Былы палітвязень

Дата нараджэння: 26 кастрычніка 1985

Дата затрымання: 14 траўня 2022

Прад'яўленыя абвінавачванні:

арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх

Вынік суда: 3 гады

Від пакарання: абмежаванне волі без накіравання ў папраўчую ўстанову адкрытага тыпу ("хатняя хімія")

Суддзя: Трусевіч Максім

Алена Уладзіміраўна Жарына была затрымана ў сярэдзіне траўня 2022 года ў межах крымінальнай справы аб групавых дзеяннях,якія груба парушаюць грамадскі парадак (ч. 1 арт. 342 Крымінальнага кодэксу). Спачатку яе закінулі на «суткі» па адміністрацыйнай справе за БЧБ-фіранкі, але ў тэлефоне знайшлі фота з пратэстаў. Пасля гэтага яе абвінавацілі ў перакрыцці дарогі на трох акцыях пратэсту.

Вядома, што Алена — уласніца атэлье па вытворчасці футра.

Падчас зняволення, пакуль яна яшчэ знаходзілася ў ІЧУ на Акрэсціна, дзяўчына перахварэла на гнойную ангіну. На гэта маглі паўплываць жудасныя ўмовы ў ізалятары, дзе вельмі халодна нават улетку. Дзяўчыну лячылі парацэтамолам і антыбіётыкамі, але медыцынскую дапамогу арыштантам амаль не аказваюць. 

8 верасня 2022 г. у Першамайскім судзе Мінска Алену асудзілі на тры гады абмежавання волі без накіравання ў ПУАТ.

Палітвязні знаходзяцца па адрасах:

Падтрымаць «Вясну»