Алена Лапцёнак

праваабаронца "Вясны"

Дата нараджэння: 15 ліпеня 1968

Дата затрымання: 14 ліпеня 2021

Прад'яўленыя абвінавачванні:

арт. 342 Крымінальнага кодэксу – Арганізацыя і падрыхтоўка дзеяньняў, што груба парушаюць грамадзкі парадак, альбо актыўны ўдзел у іх
арт. 243 Крымінальнага кодэксу - Ухіленне ад выплаты сум падаткаў, збораў

Месца зняволення: Ізалятар часовага ўтрымання ГУУС Мінгарвыканкама

Алена Лапцёнак - праваабаронца "Вясны". Яна мае філалагічную адукацыю БДУ. Яшчэ студэнткай яна пачала працаваць у Літаратурным музеі Максіма Багдановіча навуковым супрацоўнікам разам з Алесем Бяляцкім. Потым Алена скончыла аспірантуру Інстытута літаратуры Акадэміі навук, падчас вучобы ў якой займалася тэмай мемуарнага жанру ў беларускай сучаснай літаратуры.

Далучылася Алена і да праваабарончай дзейнасці, была супрацоўніцай інфармацыйнага аддзела “Вясны”. Стала ўкладальніцай некалькіх выданняў, прысвечаных правам чалавека, была рэдактаркай серыі кніг “Беларуская турэмная літаратура”, рэдактарам і адной з аўтарак кнігі “Ну, вы же сами все понимаете!”, якая прадстаўленая як сімвал беларускай рэчаіснасці апошніх гадоў. Таксама Алена пісала шмат лістоў палітвязняў.

Была затрымана 14 ліпеня падчас масавых вобшукаў у прадстаўнікоў грамадзянскай супольнасці. У яе дома прайшоў ператрус. У пастанове на ператрус значылася тры артыкула КК: ч.1, 2 арт. 342 і ч. 2 арт. 243.

Алену павезлі ў Следчы камітэт і пасля затрымалі на 72 гадзіны ў межах крымінальнай справы. Па сканчэнні 72 гадзін выйшла на волю.

"Мы будзем побач, нават калі будзем сядзець". Распавядаем пра шэсць правабаронцаў-вясноўцаў, якія апынуліся за кратамі 14 ліпеня

У "чорную сераду" 14 ліпеня па ўсёй Беларусі былі затрыманыя адзінаццаць праваабаронцаў-вясноўцаў, а таксама два былых сябры «Вясны». Ператрусы адбыліся ў офісе «Вясны» на Мяржынскага ў Мінску, гарадзенскім офісе арганізацыі, асветніцкай пляцоўцы «Тэрыторыя правоў». У межах крымінальнай справы па ч.1 і 2 арт. 342 (арганізацыя і фінансаванне групавых дзеянняў, якія груба парушаюць грамадскі парадак) і ч. 2 арт. 243 Крымінальнага кодэкса (ухіленне ад выплаты падаткаў) у іх правялі ператрусы і дапыталі.

Палітвязні знаходзяцца па адрасах: