Алена Уладзіміраўна Ягорычава — жыхарка Гродна, затрыманая 30 верасня 2021 года разам з мужам Ігарам Пазняковым па крымінальнай справе паводле арт. 342 Крымінальнага кодэксу.

Ёй прад'явілі абвінавачванне і змясцілі ў СІЗА, пасля перавялі ў Турму №1.

Суд Кастрычніцкага раёна Гродна 30 снежня 2021 пачаў разгляд крымінальнай справы паводле ч. 1 арт. 342 КК у дачыненні да юрысткі Алены Ягорычавай і слесара Ігара Пазнякова. Ягорычаву таксама вінавацілі ў гвалце ў дачыненні да супрацоўніка міліцыі (арт. 364 КК). 

3 лютага 2022 быў вынесены прысуд: суддзя Віталь Лабоцкі прызнаў Алену Ягорычаву вінаватай і прысудзіў два гады абмежавання волі па ч.1 арт. 342 КК і два гады пазбаўлення волі па арт. 364 КК, па сукупнасці вынесеных пакаранняў — два з паловай гады пазбаўлення волі ў калоніі агульнага рэжыму. Адбывала пакаранне ў ПК-4. 

Выйшла на волю ў пачатку 2024 г. 

Сям'ю з Гродна пакаралі за ўдзел у вераснёўскім маршы 2020 года вялікімі тэрмінамі

"Прысуд павінен быць законным, матываваным і справядлівым. У дадзеным выпадку прысуд павінен быць толькі апраўдальным. Прашу Ягорычаву апраўдаць", — гаварыў адвакат.

Палітвязням Ягорычавай і Пазнякову абвінавачванне просіць па два з паловай гады: жонцы — калоніі, мужу — "хіміі"

Прысуд павінен быць агучаны 24 студзеня, аднак па прычыне хваробы суддзі судовае пасяджэнне перанесенае на нявызначаны тэрмін.

У Гродне сямейную пару судзяць за "счэпку" на Маршы адзінства

Алену Ягорычаву таксама абвінавачваюць у гвалце ў дачыненні да супрацоўніка АМАПу. Паводле версіі дзяржабвінаваўцы, жанчына ўжыла гвалт «нанёсшы не менш за адзін удар правай рукой у вобласць твару і шыі, пасля чаго ажыццявіла захоп правай рукой за маску і шыю пацярпелага, прычыніўшы яму фізічны боль і пабоі».