Алег Алегавіч Мазгоў быў затрыманы 1 верасня 2020 года паводле крымінальнай справы аб удзеле ў масавых беспарадках, а пасля абвінавачаны паводле ч. 2 арт. 293 Крымінальнага кодэкса.

Утрымліваўся ў СІЗА-1 г. Мінска. Выйшаў на волю 1 снежня 2020 года. Алег Мазгоў заставаўся абвінавачаным паводле крымінальнай справы, яму была абраная мера стрымання ў выглядзе падпіскі аб нявыездзе.

1 лютага 2021 суд Ленінскага раёна Мінска вынес прысуд 26-гадоваму спартсмену Алегу Мазгову, якога ўтрымлівалі пад вартай тры месяцы: яго асудзілі да трох гадоў абмежавання волі з накіраваннем у папраўчую ўстанову — "хіміі". Пры гэтым справа была перакваліфікавана на арт. 342 КК (Групавыя дзеянні, якія груба парушаюць грамадскі парадак).

13 траўня 2021 Алег Мазгоў пачаў адбываць пакаранне ў папраўчай установе адкрытага тыпу № 21 в Мазыры, у якой, згодна з інфармацыяй палітзняволеных, іх утрымліваюць у нечалавечых ўмовах. Таксама ў студзені 2022 года паведамлялася, што адміністрацыя гэтай установы адмаўляла ў шпіталізацыі хворым вязням.

6 красавіка 2022 года суд Мазырскага раёна прыняў рашэнне аб узмацненні рэжыму Алегу Мазгову і пераводзе яго ў папраўчую калонію на 9 месяцаў і 17 дзён. Падставай для гэтага сталі чатыры "парушэнні правілаў унутранага распарадку ва ўстанове", адно з якіх палягала ў тым, што Алег нібыта не павітаўся з супрацоўнікам "хіміі".

8 красавіка 2022 г. палітвязня перавялі ў гомельскі СІЗА-3, а 15 чэрвеня — у папраўчую калонію № 2.

Алег цалкам адбыў тэрмін і 21 студзеня 2023 г. выйшаў на волю.

Пастаяў у счэпцы – крымінальная справа. Гісторыя палітвязня Алега Мазгова

"Вясна" працягвае распавядаць пра людзей, якія пераследуюцца ў нашай краіне па палітычных матывах. Адным з палітвязнем з'яўляецца 25-гадовы спартсмен Алег Мазгоў. За ўдзел у мітынгу 9 жніўня ён абвінавачваецца паводле ч. 2 арт. 293 Крымінальнага кодэкса

Палітвязень Алег Мазгоў выйшаў на волю

"Вясне" стала вядома, што пасля трох месяцаў зняволення ўвечары першага снежня з-пад варты вызвалілі палітвязня Алега Мазгова, фігуранта справы па артыкуле 293 Крымінальнага кодэкса ("Масавыя беспарадкі").

 

 

 

 

Алега Мазгова асудзілі да трох гадоў "хіміі"

Суд Ленінскага раёна Мінска вынес прысуд 26-гадоваму спартсмену Алегу Мазгову, якога ўтрымлівалі пад вартай тры месяцы, а потым вызвалілі пад асабістае паручальніцтва. Яго асудзілі да трох гадоў абмежавання волі з накіраваннем у папраўчую ўстанову — "хіміі". Менавіта такое пакаранне запрасіў пракурор. Да ўступу прысуду ў сілу пакінутая мера стрымання ў выглядзе асабістага даручальніцтва.

"Галасаваў супраць Лукашэнкі"

Пракурор запрасіў тры гады "хіміі" для Алега Мазгова