Алег Аляксандравіч Фалей — тату-майстар, быў затрыманы ў канцы ліпеня 2022 года ў Мінску. Яго некалькі разоў запар асудзілі на адміністрацыйны арышт, а пасля затрымалі ў межах крымінальнай справы. 

Яго абвінавацілі ў абразе прадстаўніка паводле арт. 369 Крымінальнага кодэкса і хуліганстве (ч. 1 арт. 339 Крымінальнага кодэкса). На "пакаяльным відэа", якое з’явілася на праўладных Telegram-каналах, Алег казаў, што ў жніўні 2020 года наведаў адзін з пратэсных маршаў, пасля чаго ў пад'ездзе пакінуў надпіс "Жыве Беларусь!". 

На пачатку лістапада 2022 г. быў пераведзены з Жодзіна ў мінскі СІЗА-1.

15 лістапада 2022 г. у судзе Маскоўскага раёна Мінска распачаўся разгляд справы: вядома, што абвінавачванне паводле арт. 369 было знятае. 16 лістапада 2022 г. Алега прызналі вінаватым паводле ч. 1 арт. 339 і асудзілі да аднаго года абмежавання волі без накіравання ў ПУАТ. Мужчыну вызвалілі ў зале суда.

У Мінску прызначаная дата суда над тату-майстрам Алегам Фалеем

У судзе Маскоўскага раёна Мінска прызначаная дата суда над тату-майстрам Алегам Фалеем. Яго абвінавачваюць у абразе прадстаўніка паводле арт. 369 Крымінальнага кодэкса і хуліганстве (ч. 1 арт. 339 Крымінальнага кодэкса).