Алег Буйкевіч
асуджаны да 3 гадоў "хіміі"
Дата нараджэння: 2 жніўня 1988
Дата затрымання: 17 жніўня 2021
Прад'яўленыя абвінавачванні:
арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх
Вынік суда: 3 гады
Від пакарання: абмежаванне волі з накіраваннем у папраўчую ўстанову адкрытага тыпу ("хімія")
Дата пачатку адбыцця пакарання: 18 снежня 2021
Суддзя: Млечка Андрэй
Месца зняволення: Папраўчая ўстанова адкрытага тыпу № 7
Алег Мікалаевіч Буйкевіч — фігурант крымінальнай справы, узбуджанай па арт. 342 Крымінальнага кодэксу (Арганізацыя або актыўны ўдзел у групавых дзеяннях, што груба парушаюць грамадскі парадак).
Утрымліваўся ў СІЗА да суда.
У судзе Фрунзенскага раёна Мінска 1 лістапада 2021 да трох гадоў "хіміі" паводле арт. 342 Крымінальнага кодэкса асудзілі 33-гадовага палітвязня Алега Буйкевіча. Яго абвінавацілі ва ўдзеле ў акцыі пратэсту 10 жніўня 2020 года на праспекце Пераможцаў: выкрыкваў лозунгі, блакаваў дарогу "счэпкай" з іншымі пратэстоўцамі. Пасля двух з паловай месяцаў знаходжання пад вартай Алега адпусцілі на волю да накіравання на "хімію".
Алег пачаў адбываць пакаранне ў ПУАТ-7.