Аксана Іванаўна Манкевіч — экскурсаводка, была затрымана 14 верасня 2022 года ў межах крымінальнай справы аб групавых дзеяннях, што груба парушаюць грамадскі парадак (ч. 1 арт. 342 Крымінальнага кодэксу).

Аксану перавялі ў СІЗА-1.

У 2021 годзе Аксану арыштоўвалі ў межах адміністрацыйнай справы два разы. Першы раз гэта адбылося напрыканцы студзеня 2021 года — тады дзяўчыну затрымалі з цэлай экскурсійнай групай і асудзілі паводле арт. 23.34 КаАП (несанкцыянаванае масавае мерапрыемства). Аксану арыштавалі на 15 сутак, іншых удзельніц экскурсіі асудзілі таксама да арыштаў і штрафаў. Другі раз Аксану затрымалі 2 лістапада 2021 года на падладжанай супрацоўнікамі ГУБАЗіКа экскурсіі, тады ёй ізноў прызначылі 15 сутак.

У судзе Цэнтральнага раёна Мінска 20 снежня 2022 г. агучылі прысуд палітзняволенай экскурсаводцы. Суддзя Вікторыя Шабуня прызначыла ёй тры гады абмежавання волі без накіравання ў папраўчую ўстанову адкрытага тыпу ("хатняй хіміі").

Аксана Манкевіч не зможа больш праводзіць экскурсіі ў Беларусі, бо, паводле пастановы ўрада ад 7 снежня, з новага года экскурсаводамі не змогуць працаваць тыя, каго судзілі паводле "пратэсных" крымінальных артыкулаў.

13 студзеня 2023 г. МУС дадаў Аксану ў "Пералік грамадзян Беларусі, замежных грамадзян або асоб без грамадзянства, якія маюць дачыненне да экстрэмісцкай дзейнасці".

Экскурсаводку Аксану Манкевіч асудзілі па "народным" артыкуле да трох гадоў "хатняй хіміі"

Пасля трох месяцаў у СІЗА Аксану вызвалілі ў зале суда. У 2021 годзе дзяўчыну арыштоўвалі ў межах адміністрацыйнай справы два разы.