Аксана Мікалаеўна Колб — рэдактарка беларускай газеты «Новы Час», была затрымана 20 красавіка 2022 г. Група сілавікоў са шчытамі і кувалдамі прыехала ў кватэру, дзе яна жыве. Яны паведамілі, што забіраюць жанчыну на допыт у СК.

22 красавіка 2022 г. стала вядома, што ёй выставілі абвінавачванне паводле ч. 1 арт. 342 Крымінальнага кодэкса — «Арганізацыя і падрыхтоўка дзеянняў, якія груба парушаюць грамадскі парадак, або актыўны ўдзел у іх». Аксану перавялі ў СІЗА-1.

Разгляд справы палітзняволенай пачаўся 7 чэрвеня 2022 г. у судзе Цэнтральнага раёна Мінска. 15 чэрвеня суддзя Дзмітрый Карсюк прызнаў яе вінаватай і прызначыў 2,5 гады "хіміі" за ўдзел у Маршы 16 жніўня 2020 года — акурат такое пакаранне прасіў пракурор. Аксану пасля амаль двух месяцаў у СІЗА вызвалілі ў зале суда.

Аксана Колб пакінула Беларусь.

МУС 28 кастрычніка 2022 г. уключыў былую палітзняволеную ў "Пералік асобаў, датычных да экстрэмісцкай дзейнасці".

Аксана — лаўрэатка Прэміі праваабарончай супольнасці Беларусі за 2022 год у намінацыі "Журналіст/журналістка года".

У сакавіку 2025 г. стала вядома, што Аксане збіраюцца замяніць пакаранне — з "хіміі" на больш строгае. Яна атрымала позву ў суд Валожынскага раёна — 19 сакавіка яе выклікаюць "у якасці асуджанай" па ініцыятыве мясцовага РАУС "аб замене прызначанага пакарання больш строгім". Напрыканцы 2024 года на Аксану завялі яшчэ адну крымінальную справу, яна не ведала падрабязнасцяў. Тады яе шукалі па адрасе рэгістрацыі. Справа заведзеная Следчым камітэтам у Брэсце нібыта "за дыскрэдытацыю" і "садзейнічанне экстрэмісцкай дзейнасці". Дакладнай інфармацыі, артыкулаў, сутнасці абвінавачанняў у Аксаны Колб няма, хоць тым, хто яе шукаў, далі польскі кантакт.

"Калі ўсё з'едуць — хто выключыць святло, у рэшце рэшт?". Аксана Колб — пра 2,5 гады хіміі наперадзе, прэсу для палітвязняў і будучыню газеты

"... А што да фармулёўкі [абвінавачвання] і ўсяго астатняга — ну, па-мойму, нават на судзе суддзя сказаў, і я з гэтым пагадзілася: "Паводле прынятага закона" я прызнаю сваю віну. Можна сказаць, я прыняла гэтыя правілы, якія дзейнічаюць на гэты момант".

Галоўную рэдактарку "Новага Часу" Аксану Колб асудзілі да 2,5 гадоў "хіміі"

Даследаванне пісьмовых доказаў па хадайніцтве пракурора было праведзена ў закрытым пасяджэнні. Пасля перапынку ў судзе пракурор запрасіў для палітзняволенай пакаранне ў выглядзе абмежавання волі з накіраваннем у папраўчую ўстанову адкрытага тыпу ("хіміі") тэрмінам на 2 га lды і 6 месяцаў. Менавіта такое пакаранне і прызначыў суддзя Карсюк. Ад апошняга слова журналістка адмовілася.

Пракурор запрасіў для галоўнай рэдактаркі газеты "Новы Час" Аксаны Колб 2,5 гады "хіміі"

На адкрыты працэс прадстаўнікоў амбасадаў Швецыі, Чэхіі і Германіі не пусцілі нават у будынак суда.

Кацярына Колб: Мама навучыла мяне свабодзе і самастойнасці

«Неяк пасля таго, як мама была арыштаваная, Генры папрасіў пазваніць бабе. Ён ніколі не просіць. І вось тады мяне трошкі накрыла», — гаворыць Кацярына Колб, дачка палітзняволенай рэдактаркі «Новага Часу» Аксаны Колб. Яна з мужам і трохгадовым сынам Генры жыве ў ЗША, штаце Пенсільванія. Мы пагутарылі з Кацяй пра тое, якая Аксана мама і бабуля, і як яны яе чакаюць.