Віктара Сцяпанавіча Хлябца абвінавачвалі ў здзяйсненні злачынства паводле арт. 369 "Абраза прадстаўніка ўлады". 

Выхадзец з Белаазёрска, мае на ўтрыманні малую дачку. У Віктара ёсць інваліднасць, ён хварэе на цукровы дыябет, інсуліназалежны. Мужчыну затрымалі 26 лютага 2022 г. дома і змясцілі ў ІЧУ Бярозаўскага РАУС. 1 сакавіка да Віктара ўжылі меру стрымання ў выглядзе ўзяцця пад варту і перавялі яго ў СІЗА № 6 Баранавічаў, дзе ён і знаходзіўся да суда. Пасля яго перавялі ў СІЗА-7.

28 ліпеня 2022 г. суд Бярозаўскага раёна падтрымаў бок абвінавачвання і прызнаў Віктара Хлябца вінаватым у здзяйсненні злачынства паводле арт. 369 "Абраза прадстаўніка ўлады", прысудзіўшы яго да 1,5 гадоў калоніі з адбываннем пакарання ва ўмовах агульнага рэжыму. 

Палітвязень адбывае пакаранне ў наваполацкай ПК № 1.

МУС у лістападзе 2022 г. дадаў Віктара ў спіс "асобаў, датычных да экстрэмісцкай дзейнасці".

17 траўня 2023 г. Віктар выйшаў на волю, цалкам адбыўшы тэрмін.